பரபரப்பை ஏற்படுத்தியுள்ள நடிகையின் டைரி

நடிகை சில்க் ஸ்மிதாவின் வாழ்க்கையை மையமாக கொண்டு உருவான டர்ட்டி பிக்சர்ஸ் படம் மாபெரும் வெற்றி பெற்றது.

இப்படத்தில் நடித்த வித்யாபாலனுக்கு சிறந்த நடிகைக்கான தேசிய விருதும் கிடைத்தது.

இதைத் தொடர்ந்து பல மொழிகளிலும் சில்க் ஸ்மிதாவின் வாழ்க்கையைப் படமாக்கி வருகின்றனர்.

சில்க் ஸ்மிதாவை மலையாளத்தில் அறிமுகப்படுத்திய ஈஸ்ட்மென் ஆண்டனி, சில்க்கின் வாழ்க்கையை கிளைமாக்ஸ் என்ற பெயரில் படமாக்கி உள்ளார்.

இந்தப் படம் தமிழில் நடிகையின் டைரி என்ற பெயரில் டப் ஆகிறது.

டிஜிட்டல் என்டர்டெயினர்ஸ் நிறுவனம் சார்பில் எச்.கே.ஏ. தயாரிப்பில் உருவாகும் இப்படத்தில், சில்க் ஸ்மிதாவாக சனாகான் நடிக்கிறார்.

இறுதி கட்ட பணிகள் முடிந்து இப்படம் விரைவில் வெளியாகும் என தகவல்கள் தெரிவிக்கின்றன.